شمع حرم ...حضرت ابوالفضل
آشنای محبّت
ای شمع حرمخانه...قربانون اولوم عباس
جانلار سنه پروانه...قربانون اولوم عباس
..................
ایلده شب تاسوا...سسلر آدیوی دنیا
معناده دییر زهرا...قربانون اولوم عباس
دوگسه قاپیوی سائل...منظوری اولار حاصل
ای مونس اهل دل ...قربانون اولوم عباس
انسان و ملک سندن...ایستلله کمک سندن
ال بیزدن اتک سندن...قربانون اولوم عباس
ای معرفتین کانی...سن بیل آناوین جانی
یاز دردلره درمانی...قربانون اولوم عباس
اوج سرفه چاتدون...اب تشنه قانا باتدون
سن کوثری آغلاتدون...قربانون اولوم عباس
دگدی گوزل آننوندان ...اوچ شعبه لی بیر پیکان
دوتدی گوزیوی القان...قربانون اولوم عباس
دیداریوه شه گلدی...قلبین غم اوخی دلدی
تاپدی سنی دینجلدی...قربانون اولوم عباس
یاندیم دئدی آی قارداش...سس وئرمنه وای قارداش
چاره م ندی دای قارداش...قربانون اولوم قارداش
وار خیمه ده چوخ سوزلر...قزلار یولیوی گوزلر
باخمور نیه بو گوزلر...قربانون اولوم عباس
احسن بئله ایثاره ...یرداره وفاداره
قربان کسیلن یاره...قربانون اولوم عباس
گلدیم باشوین اوسته ...آچ گوزلروی آهسته
سن خسته حسین خسته ...قربانون اولوم عباس
ای کشتی بی ساحل ...قانلی علمه حامل
آمالون اولوب حاصل...قربانون اولوم عباس
ای صالح اولان بنده ...وُر یار اوزونه خنده
قیل خصمی سرافکنده...قربانون اولوم عباس
کم ایلمه لطفون سن...بیچاره کلامیدن
کویونده گلدیم من...قربانون اولوم عباس
شاعر:استاد حاج ولی الله کلامی زنجانی
ذخیره کلامی
یا امام زمان شیعه ده احساس باخ
جلوه ی پرچم حضرت عباس باخ
اولدی قولار قَلم ...تا اوجالسون علم
یا ابوالفضل...یا ابوالفضل
پسر فاطمه...ای هامینون سروری
کیمدی سندن صورا...عشقیموزون داوری
سینه زنلر سالار...یاده اوزون الری
اولدی قربان دین...گل امّ البنین
یا ابوالفضل...یا ابوالفضل
بیلور عالملر ای...پادشه منتظر
هاردا عباس آدی...ا.لسا اددرسن نظر
نولی بو جمعه سن ...باخاسان آقا دیده تر
هامی ایستور صله...سسلر.خ آهیله
یا ابوالفضل...یا ابوالفضل
بوگون عاشقلر اول...سرور قربان کسر
خلف صالح...حیدره قربان کسر
شیعه پرچم دوتان...اللره قربان کسر
آدی دللرده دی...علم اللرده دی
یا ابوالفضل...یا ابوالفضل
گئتدی عباس آقا...سو گتوره قیزلارا
اوخلانوب مشگی هم...باشینه دگدی یارا
اولدی صحرای غم...زیبنه ماتم سرا
دئدی وای قارداشیم ...قهرمان یولداشیم
یا ابوالفضل...یا ابوالفضل
آه او گوندن حسین آلدی وزیرین سسین
گلدی گوردی آلوب لشگر اونون دوره سین
دئدی دور ای هواداری منِ بی کسین
ای امیر قُوا...سنه جانیم فدا
یا ابوالفضل...یا ابوالفضل
شاعر:استاد حاج ولی الله کلامی زنجانی
مباهات کلامی
بزم عزاده گیمشم ...قاره یا عباس
بیچاریم قیل دردیمه...چاره یا عباس
یا باب الحوائج
ای پرچم حریّتی ...ساخلیان سردار
وی کاروان وحدته...قافله سالار
مشکلده قالسام ایلرم...آدیوی تکرار
قربان اولوم سن تک فدا...کاره یا عباس
یا باب الحوائج
ای حق مناسینده گیین ...قانلی احرامی
گزدون یارالی باشیله...کوفه و شامی
حفظ ائتدی ایثارون سنون...دین اسلامی
اولدی نشان عمرون گُلی ...خاره یا عباس
یا باب الحوائج
كوي محبتده هاني....سن كيمي جانباز
عشق عالمينده آلموسان...رتبه ممتاز
هاردا آدون سسلنميشم...گورموشم اعجاز
ائتمه اردات قيديمي...پاره يا عباس
آند اولوسون آننوندا اولان...زخم پيكاره
بير تار مويون وئرمرم...تخت شاهانه
قانلي گوزون ياد ايلوب گلّم افغانه
دگدي سنه اغياريدن...ياره يا عباس
آتدان دوشده سسلدون...عالمين يارين
گلدي غريب كربلا...تاپدي سردارين
قانلي جبينونده ئ.پ.ب...سجده آثارين
باتدي يوزي ثاراللهين...ثاره يا عباس
سسلندي اي آرخام ائليم...آچ گوزون قارداش
تاراج اولوب تاب دليم...آچ گوزون قارداش
قارداش جاني سيندي بئليم...آچ گوزون قارداش
چاره آزالدي گلميشم...زاره يا عباس
اي يار قرآن مرحبا...بخت مسعوده
چاتدون شهادت فيضيه ...اولدون آسوده
اوچدون هما تك ساخت...قدس مقصوده
گئتدون يارالي محضر...ياره يا عباس
ادرك پيامون خيمه ده...ايندي آلديم من
گوردي باجيم نه غصه لي...حاله قالديم من
قربان بو قولسوز قامته...دور قوجالديم من
اولدي جفا سن تك وفا...داره يا عباس
سنسيز حرمده عترت ...بوتراب آغلار
اولموش عطشدن قيزلاريم...دلكباب آغلار
گه اصغره لاي لاي ديير...گه رباب آغلار
عالم فدا بو چشم خون...باره يا عباس
عباس آقا دلدن نقدر...الامان گلسون
ايستور كلامي قبريوه...نوحه خوان گلسون
آچ باغلانان يولاريوي...كاروان گلسون
ايسته بو جمعي توزلي در...باره يا عباس
شاعر:استاد حاج ولی الله کلامی زنجانی
ارادتنامه كلامي
يخلدي سقا يره...باش يارلي قان گلور
او سسلنور يا حسين...داده اوخ ووران گلور
ياحسين.يا حسين...گل هرايه هارداسان
گلدي زهرا آنام ...كربلايه هارداسان
منيم آقام ئوز آقام...وار ئوركده سوز آقام
من سنسيز دُوزنمورم...سن بو درده دوز آقام
حيدر اوپن اللره ...دشمن ووردي گوز آقام
آختارارديم بو حالي ...هر گئجه گونوز آقام
شكر اولا...قولاريم...حق يولوندا قطع اولوب
سو يولي...گوزلمه...گوزلريمه قان دولوب
گورسه رقيه اگر...پيكريمون ياره سين
بوشلا قاچار چوللره...اصغرين گهوارسين
يخدي يره حرمله...صبريمون ديواره سين
سو توكولدي مشگيدن..كسدي سقا چاره سين
واي منه...واي منه... واي ربابه واي منه
گل يولون...گوزلورم...گوزلريم قربان سنه
دوزدي بالالي اولار...پهلوانلارين باشي
دعوا گونونده سينار...قهرمانلارين باشي
قوي اولسون بو داستان...داستانلارين باشي
قولسوز علمدار اولوب...باش يارانلارين باشي
يارديلار...باشيمي...بير آغير عموديله
دوشموشم...تپراقا...ياره لي وجوديله
من سني اي يوسفيم ...ساتماديم اهريمنه
قالديم بويانديم قانا...منّت اولماسين سنه
بسدي فقط فاطمه...لاي لاي دئسون منه
او سسله سين جان بالا...منده ديوم جان سنه
گلدي زهرا ولي...سينه سي ياراليدي
قلبيمي يانديران...نيلگون جماليدي
آيينه سينه ده توزدا اولسا سيلميشم
دانيوي دوتماقي درده چاره بيلميشم
قدّيم اوجيدي اوجا منصبه سئچيلميشم
غصّه م بيوكدي حسين جُثهّ دن كيچيلميشم
اوخلار ايلوب عوض...جسميمون قواره سين
بيلسه زهرا بيلر...ياره مين شماره سين
غملي امان نامه نين ماجراسي بير يانا
قزلاريوين قورخودان آه و واسي بير يانا
پرچم دوتان اللرين ابتلاسي بير يانا
بو ياره لر بير يانا دل ياراسي بير يانا
طعنه دشمن وورور...قلبيدن ياراليام
خالي مشگيم كيمي...منده دست خاليام
شاعر:استاد حاج ولی الله کلامی زنجانی
بسم الله الرحمن الرحیم